Das Fasnachtskomitee Liestal nimmt mit dem Sujet und der Plakette für die Fasnacht 2022 den Gewinn des Flâneur d’Or für die Rathausstrasse in Liestal auf. Damit wird die Fasnacht in Liestal auch ein wenig zur Feier des Flaneur d’Or.  

Der offizielle Vers zum Sujet 2022 lautet: 

Dr 1. Priis für eus alli 

5 Johr isch es scho her, do duet me s’Lieschtler Stedtli saniere,
sitt denn chame entspannter d’Rothusstrooss uff und ab flaniere.
Es entschleunigends Zentrum hett me gstaltet,
e neue Asphalt gmacht und die schöne, alte Fassade bhaltet.
Dr Trottoirrand, dä hett me nümme welle,
jetzt cha me sich schins freier bewege, eso ohni die Schwelle.
Das neue, schöne Stadtbild sell d’Lüt alocke,
zum go poschte, gsellig si und au mol anehocke.
D‘ Rothusstrooss die funktioniert eso, das isch nit banal,
sondern für d’Chreemer im Stedtli wichtig und zentral.
Au d’Jury vom Flâneur d’Or findets mehr als glunge
wäge däm het jetzt Lieschtel bi däm Wettbewerb dr 1. Priis gunne.
Mir alli sind stolz uf euses Stedli im neue Gwand,
Lieschtel, dr Hauptpristäger – dasch doch super und allerhand.
Mir finde, es hett jede Einzelne vo eus au dr 1. Priis verdient und zwar mit Glanz,
für d’Geduld wo mir gha hei, s’Verständnis und natürlich d’Toleranz.
Zwei mol uff d’Fasnacht verzichte wäig dr Pandemie,
keini Umzüg, keini Konfetti und nit ennol chönne e chli gsellig si.
Zum Wohl vo allne zruggstoh, statt istoh das brucht Konsequenz,
dorum stellt d’Plaggette das Johr e Medaille dar – für jede eini:
«Danke für euchi Geduld und Toleranz!» 

Quelle: Fasnachtskomitee Liestal